Fréttir

Ráðstöfun séreignarsparnaðar inn á lán framlengd

  23.08.2019

Stjórnvöld samþykktu á dögunum að framlengja um tvö ár heimild til að greiða séreignarsparnað skattfrjálst inn á húsnæðislán. Þeir sem þegar eru að nýta sér úrræðið ættu að hafa fengið tölvupóst frá ríkisskattstjóra þar sem vakin er athygli á málinu. Umsækjendur með virka ráðstöfun séreignarsparnaðar inn á lán geta nú óskað eftir því að ráðstöfunin haldi áfram. Þetta er gert með því að skrá sig inn á leidretting.is og óska eftir að gildistími ráðstöfunar sé framlengdur.

Til að tryggja að ekki verði rof á greiðslum inn á húsnæðislán þarf að sækja um framlenginguna fyrir 30. september næstkomandi.

Nánari upplýsingar má finna á heimasíðu ríkisskattstjóra.

Recent Posts

    Auglýst eftir sérfræðingi hjá Landssamtökum lífeyrissjóða

      14.10.2019   Lífeyrismál.is
    Við leitum að sérfræðingi á skrifstofu landssamtakanna. Umsóknarfrestur er til og með 28. október.

    Staðfesta þarf áframhaldandi þátttöku í ráðstöfun séreignasparnaðar

      27.09.2019

    Lífeyrissjóður Vm. vill minna á að umsóknarfrestur til að staðfesta áframhaldandi þátttöku í ráðstöfun séreignarsparnaðar inná lán, er til og með 30. september nk.

    Þeir sjóðfélagar sem voru með virka ráðstöfun séreginarsparnaðar inná lán fyrir 1. júlí sl. og kjósa að halda áfram að nýta sér hana, þurfa að skrá sig inná www.leidretting.is og staðfesta áframhaldandi þátttöku.

    Þeir sem staðfesta framlengingu fyrir 30. september nk. fá greidd inná lánið sitt uppsöfnuð iðgjöld frá og með launatímabilinu júlí 2019. Eftir 30. september virkjast ráðstöfun einungis aftur frá þeim mánuði þegar ný umsókn berst RSK og uppsöfnuð iðgjöld frá 1. júlí eru þá ekki greidd inná lánið

    Vert er að benda á að þeir sem nýta sér úrræðið um kaup á "Fyrstu íbúð" þurfa ekkert að aðhafast vegna þessa.

    Áframhaldandi þátttaka í ráðstöfun séreignarsparnaðar?

      27.09.2019   Lífeyrismál.is
    Staðfesta þarf áframhaldandi þátttöku. Umsóknarfrestur er til og með 30. september.